跳啦河馬

作曲：	Eric Kwok
填詞：	林寶
編曲：	Eric Kwok
監製：	Eric Kwok
合唱：	譚詠麟 / 李克勤
語言：	粵語
收錄於大碟：	男人的歌 (2013) / 左麟右李十週年演唱會2013 (香港有聲音) (2014)

我試過上網買十擔纖維米 我試過再配瀉藥兩劑 各有各閉氣坐住廁板撳掣 通腸胃 我發覺靚爆鏡係會非常昂貴 我發覺塊鏡裏面冇位 各有各破費過後也非常頹廢 全部要摜低 有計嗎　令美麗回彈 跳啦河馬　跳啦河馬 要返條罅　朋友撐吧 人人嚟谷一谷　先知體質根本太差 人人嚟操一操　又賴力氣有限 人人嚟拉一拉　手指至可摸到腳踭 你別太懶　鍛鏈那心肺　我做個示範 再試過上網買廿擔纖維米 再試過再配瀉藥四劑 各有各跳舞照樣要講默契 臀部要向西 我要勁過你 我要勁過你 我要勁過勁過勁過你 我要勁過你 我要勁過你 我要勁過勁過勁過你 我要勁過你 我要勁過你 我要勁過勁過勁過你 有計嗎　令美麗回彈 跳啦河馬　跳啦河馬 要返條罅　朋友撐吧 人人嚟谷一谷　先知體質根本太差 人人嚟操一操　又賴力氣有限 人人嚟拉一拉　手指至可摸到腳踭 你別太懶　要學阿多燕　佢做個示範 跳啦河馬 跳啦河馬 要返條罅 跳啦河馬 跳啦河馬 要返條罅 朋友撐吧 撐吧

網路譚詠麟歌曲資料庫(ATMDB)
Online since September 2001 - Programmed by Ricky Tong
Comments or suggestions please send to admin@rickytong.com.